Kuv me nplooj siab suav txij li hnub uas koj ncaim kuv mus los txog tag no, kuv tsuas suav hnub suav hmo nco koj tsis muaj hnub xaus li. Me nplooj siab ua li cas koj thiaj li ncaim kuv mus lawm ntsiag to, koj puas paub tias kuv suav hnub suav hmo nco koj tsis muaj hnub yuav ploj hauv kuv lub siab mus li. Tiam neej no xyov puas yuav muaj hnub uas wb yuav tau rov los nyob ua ke li yav tag dlau nyob rau ahuv yeej tawg rog Vib Nais lawm, kuv me nplooj siab suav txij hnub koj ncaim kuv mus lawm ces, kuv ua ib tug nee feeb tsis meej li lawm.
Kuv me nplooj siab koj nco puas tau daim duab ntawm no lawm, yog nyob rau qhov twg? Koj puas paub tias kuv suav hnub suav hmo npau suav pom koj thiab kuv wb taug tej me kev yav tag dlau los wb tau taug ua ke. Me nplooj siab ua li cas koj yuav ua lub siab dub rau kuv ua luaj li. Kuv sis xav tias, koj yuav muaj lub siab ua phem npaum li ntawd rau kuv tiag? Yeej tawgrog Vib Nais koj puas tseem nco tau lawm os?
Thaum koj tso kuv tseg koj hais rau kuv tias, cia wb mam li sib ntsib nyob rau yeej tawg rog Phanat Nikhom, Chonburi, Thailand no, tab sis thaum kuv caum koj tuaj txog rau Phannat Nikhom ces koj cia li khiav tuaj mus rau Mem Kuj teb lawm xwb. Suav txij hnub ntawd los ces, kuv cia lis tsis pom koj lub me plaj plu mo li lawm. Koj puas nco tau tias, koj nyob Xoom 3, ho kuv nyob Xoom 8, wb tau mus kawm ntawv ua ke nyob rau Nab Xoom.
Ua li cas wb twb sib ncaim los tau 21 xyoo dlau los lawm, kuv npaj siab xav pom koj npaum li cas los tsis pom li. Ua li koj mus nyob rau qhov twg lawm os? http://www.youtube.com/watch?v=vAP2hTCAcOc
P. V.
ไม่มีความคิดเห็น:
แสดงความคิดเห็น